ಚಿಪ್ಪಿನೊಳಗಡೆ ಮುತ್ತು ಮಲಗಿದೆ!

-
Pearl formation in an oyster explained:


ಚಿಪ್ಪಿನೊಳಗಡೆ ಮುತ್ತು ಮಲಗಿದೆ!
ಅದೆಷ್ಟೋ ವರ್ಷಗಳಿಂದ ಸಾಹಿತಿಗಳ ಸಲ್ಲುಗಳಿಗೆ ಪ್ರೇರಣೆಯಾಗಿ, ಹೈದರಾಬಾದ್ನ ಗಲ್ಲಿ ಗಲ್ಲಿಗಳಲ್ಲಿ ಮಾರಾಟವಾಗಿ, ಹೆಣ್ಮಕ್ಕಳ ಕೊರಳು ಕಿವಿಯಲ್ಲಿ ಓಲಾಡಿ, ತನಗ್ಯಾರು ಸರಿಸಾಟಿ!? ಎಂಬ ಕೊಬ್ಬಿನಲ್ಲಿ ಮೈಮರೆತಿರುವ ನಿಸರ್ಗದ ಬೆರಗು ಮುತ್ತು!! ಬಂಗಾರ ಬೆಳ್ಳಿ ವಜ್ರಗಳು ವಸುಂಧರೆಯ ಗರ್ಭದಲ್ಲಿ ಸಿಕ್ಕರೆ, ಕಡಲಾಳದಲ್ಲಿ ಅಪರೂಪಕ್ಕೆ ಸಿಗುವ ಮುತ್ತಿಗೆ ಎಷ್ಟು ಬೆಲೆ ತೆತ್ತರು ಸಾಲದು. ವಾಸ್ತವಕ್ಕಿಂತ ಹೆಚ್ಚು ಕಟ್ಟುಕತೆಗಳಲ್ಲೆ ಪ್ರಸಿದ್ಧವಾದ ಮುತ್ತು ಮತ್ಸಕನ್ನೆಯ ಕಣ್ಣೀರು, ಸ್ವಾತಿ ಮಳೆ ಹನಿಯು ಚಿಪ್ಪಿನಲ್ಲಿ ಬಚ್ಚಿಕೊಂಡು ಮುತ್ತಾಗುತ್ತೆ ಅನ್ನುವಂತಹ ಭ್ರಮೆಗಳು ನಮ್ಮಲ್ಲಿ ಆವರಿಸಿರುವುದು ಸಹಜ.
ಮುತ್ತು ಪ್ರಾಣಿಜನ್ಯವಾಗಿದ್ದು ಬಸವನ ಹುಳುಗಳ ವರ್ಗಕ್ಕೆ ಸೇರಿದ ಮೃದ್ವಂಗಿಗಳಾದ ಸಿಪ್ಪಿಚಿಪ್ಪು (pearl oysters) ಮತ್ತು ಬಳಚುಗಳಲ್ಲಿ (mussel) ಮೂಡುವ ಪದಾರ್ಥ. ಸಿಹಿನೀರು ಮತ್ತು ಉಪ್ಪಿನ ಸಮುದ್ರದ ಆಳದಲ್ಲಿ ಸೂಕ್ಷ್ಮ ಜೀವಿಗಳಾದ ಸಸ್ಯ ಪ್ಲಾಂಕ್ಟಾನ್ ಮತ್ತು ಏಕಕೋಶ ಪಾಚಿಗಳನ್ನು ತಿಂದು ಬದುಕುವ ಇವು ಸರಾಸರಿ 6 ವರ್ಷ ಬದುಕುತ್ತವೆ. ನೀರಿನ ಉಷ್ಣತೆ ಮತ್ತು ಲವಣತೆಯನ್ನು ಆದರಿಸಿ ಸಿಪ್ಪಿಗಳು ಗಂಡು ಹೆಣ್ಣಾಗಿ ಪರಿವರ್ತನೆ ಆಗುತ್ತವೆ. ಬಹಳಷ್ಟು ಸಿಪ್ಪಿಗಳು ಮುತ್ತನ್ನು ತಯಾರಿಸಿದರೂ ಪಿಂಟಡಾ(Pinctada radiata) ಜಾತಿಯು ಅತ್ಯಂತ ಮಹತ್ವದ್ದು.
ಯಾವುದಾದರು ಪರಜೀವಿ (parasite), ಸಣ್ಣ ಹರಳು, ಮರಳಿನ ಕಣ, ಅಥವಾ ಶತ್ರುಗಳೊಂದಿಗಿನ ಹೋರಾಟದ ಸಮಯದಲ್ಲಿ ಆಕಸ್ಮಿಕವಾಗಿ ಕಪ್ಪೆಚಿಪ್ಪಿನೊಳಗೆ ಪ್ರವೇಶಿಸಿದ ಹೂರವಸ್ತುವಿನ ಕಾರಣದಿಂದ ಸಿಪ್ಪಿಯ ದೇಹದಲ್ಲಿ ನಡೆಯುವ ಜೈವಿಕ ಕ್ರಿಯೆಯ ಫಲಿತಾಂಶ ಮುತ್ತು. ಹೀಗೆ ಬಾಹ್ಯ ವಸ್ತುವೊಂದು ಚಿಪ್ಪಿನೊಳಗಿನ ಮೃದು ಪದರಕ್ಕೆ ಗಾಯ ಮಾಡಿದಾಗ ಆಗುವ ತುರಿಕೆಯನ್ನು ತಪ್ಪಿಸಿಕೊಳ್ಳಲು ಆ ಬಾಹ್ಯ ವಸ್ತುವಿನ ಸುತ್ತ “ಕಾಲ್ಶಿಯಂ ಕಾರ್ಬೊನೇಟ್” (calcium carbonate) ಮತ್ತು ಕೊಂಚಿಯಲಿನ್ (conchiolin) ಎನ್ನುವ ರಾಸಾಯನಿಕಗಳು ಸಿಪ್ಪಿಯ ಪದರದಿಂದ ಒಸರುತ್ತವೆ.ಈ ರಾಸಾಯನಿಕಗಳು ಮೇಲಿಂದ ಮೇಲೆ ಒತ್ತಟ್ಟಾಗಿ ಕೂರುತ್ತ “ನ್ಯಾಕ್ರೆ” (nacre) ಎಂಬ ಹೊಳಪಿನ ಗಟ್ಟಿಯ ಕಣವಾಗುತ್ತವೆ. ಕಾಲ್ಶಿಯಂ ಕಾರ್ಬೊನೇಟ್ನ ಹರಳು ರೂಪವಾದ ಅರ್ಗೊನೈಟ್ (argonite) ಶೇಖರವಾಗುತ್ತಿದ್ದಂತೆ ಮುತ್ತು ರಚನೆಯಾಗುತ್ತದೆ. ಹೀಗೆ ಹೊರ ಪದಾರ್ಥದ ಮೇಲೆ ಚಿಪ್ಪಿನ ಪದರವನ್ನು ಹರಡುತ್ತಾ ಸಿಪ್ಪಿಯು ಆ ಪದಾರ್ಥವನ್ನು ತನ್ನ ದೇಹದಿಂದ ಮುತ್ತಿನ ರೂಪದಲ್ಲಿ ಹೊರಹಾಕುತ್ತದೆ.ಹೇಗಿದೆ ಕಪ್ಪೆ ಚಿಪ್ಪುಗಳ ಸ್ವಯಂ ರಕ್ಷಣೆಯ ಅದ್ಭುತ ತಂತ್ರ!
ವಿಪರ್ಯಾಸವೆಂದರೆ ನೈಸರ್ಗಿಕವಾಗಿ 2.5 ಟನ್ ಸಿಪ್ಪಿ ಚಿಪ್ಪುಗಳನ್ನು ಕೊಯ್ಲು ಮಾಡಿದರೆ ಕೇವಲ 3 ರಿಂದ 4 ವ್ಯಾಪಾರಕ್ಕೆ ಯೋಗ್ಯವಾದ ಮುತ್ತುಗಳು ಸಿಗುತ್ತವೆ. ಈಗಂತೂ ಕಪ್ಪೆಚಿಪ್ಪುಗಳ ಕೃಷಿಯೂ ದೊಡ್ಡ ವ್ಯಾಪಾರವಾಗಿ ಬೆಳೆದಿದ್ದು ಕೃತಕವಾಗಿ ಸಾಕಿದ ಚಿಪ್ಪನೂಳಗಡೆ ಬಾಹ್ಯ ವಸ್ತುವನ್ನು ತುರುಕಿ ಬೇಕಾದ ಬಣ್ಣ ಆಕೃತಿಯ ಮುತ್ತನ್ನು ಪಡೆದು ಲಕ್ಷ ಕೋಟಿ ಸಂಪಾದಿಸುವ ಉದ್ದಿಮೆಯಾಗಿದೆ. ಸೋ...ಪಾರ್ಟಿಯಲ್ಲಿ 'ನನ್ನ ಬಳಿ ಇರುವುದು ನ್ಯಾಚುರಲ್ ಮುತ್ತಿನ ನೆಕ್ಕ್ಲಸ್' ಎಂದು ಬೀಗುವ ಹೆಂಗಸರಿಗೆ ಕೊನೆ ಮಾತು, ಇಂದು ಪ್ರಪಂಚದಲ್ಲಿ ಸಿಗುವ 99ಕ್ಕಿಂತ ಹೆಚ್ಚು ಪ್ರತಿಶತ ಮುತ್ತು ಕೃತಕವಾಗಿ ಬೆಳೆಸಿದ್ದು!(cultured pearls).
ಸೀಮಾ ಹೆಗಡೆ, ಕಬ್ಬೆ
(ಮಾಹಿತಿ ಸೆಲೆ: ವಿಕಿಪೀಡಿಯಾ)

Comments

Post a Comment

Popular posts from this blog

ಅಸಾಧ್ಯ ಪರಿಸರದಲ್ಲಿ ಅಪರೂಪದ ಕೃಷಿ ಪ್ರಯೋಗ, ಭಾಗ ಒಂದು

-
Image
ನಮ್ಮ ಮನೆ, ತೋಟವಿರುವುದು ಉತ್ತರ ಕನ್ನಡ ಜಿಲ್ಲೆಯ ಹಳ್ಳಿಯಲ್ಲಿ. ಮಲೆನಾಡಿನ ಬಹುತೇಕ ಹಳ್ಳಿಗಳಂತೆ ನಮ್ಮೂರಲ್ಲಿ ನಮ್ಮದು ಬಿಟ್ಟರೆ ಇರುವುದು ಇನ್ನೆರಡೇ ಮನೆ; ತೋಟದ ಗಡಿಯಾಚೆ ಕಾಡು. ನಮ್ಮ ತೋಟಕ್ಕೆ ಭೇಟಿಮಾಡುವ ಎಲ್ಲರೂ ಕೇಳುವ ಮೊದಲ ಪ್ರಶ್ನೆ ಇಲ್ಲಿ ಪ್ರಾಣಿಗಳ ಕಾಟವಿಲ್ಲವೇ? ಯಾಕಿಲ್ಲ; ಮಂಗ, ಮಿಕ, ನವಿಲು, ಹಂದಿ, ಕೆಂಪಳಿಲು, ಮುಳ್ಳಂದಿ ಮತ್ತೂ ಬೇಕೇ… “ಬೆಟ್ಟದಾ ಮೇಲೊಂದು ಮನೆಯ ಮಾಡಿ ಮೃಗಗಳಿಗಂಜಿದೊಡೆಂತಯ್ಯ!” ಎನ್ನುವುದು ನಮ್ಮ ಉತ್ತರ. ಮಳೆಗಾಲಕ್ಕೆ ನೆಂಟರ ಮನೆಗೆ ಹೋದರೆ ಸಾಕು, ಸುದ್ದಿ ಶುರುವಾಗುವುದೇ “ಭಾವಾ, ನಿಮ್ಮಲ್ಲಿ ಕೊಳೆ ಹೆಂಗಿದ್ದೋ” ಅನ್ನುವಲ್ಲಿ. ಮಲೆನಾಡ ಮಳೆ ಕೊಳೆಗೆ ಅಂಜಿ ತೋಟ ಮಾಡುವುದು ಬಿಟ್ಟೀರೇ ಆದೀತೆ! ತೋಟದಲ್ಲಿ ಲುಕ್ಸಾನಾದಾಗೆಲ್ಲಾ “ಅಂಥಾ ನೀರಿಲ್ಲದ ಮರುಭೂಮಿಯಲ್ಲಿ, ಮುಗಿಲು ತೂತಾದಂತೆ ಮಳೆ ಸುರಿವ ಈಶಾನ್ಯ ಭಾರತದಲ್ಲಿ, ಕೊರೆವ ತಂಪಿನ ಹಿಮಾಲಯದ ತಪ್ಪಲಲ್ಲಿ ಬೆಳೆ ಬೆಳೆಯುವರಂತೆ, ನಮ್ಮದೆಂತ” ಎಂದು ಎಷ್ಟೋ ಬಾರಿ ನಮಗೆ ನಾವೇ ಸಮಧಾನ ಹೇಳಿಕೊಂಡಿದ್ದಿದೆ. ವಾತಾವರಣದ ಗಂಭೀರ ಪರಿಸ್ಥಿತಿಯಲ್ಲೂ ಬೆಳೆ ಬೆಳೆವ ಕೆಲವು ಪ್ರದೇಶದ ಜನರ ಕೃಷಿ ನೋಡುವಂತದ್ದು, ಕನಿಷ್ಟ ಓದಿ ತಿಳಿವಂತದ್ದು. ನವಯುಗದ ರೈತರು ತಾಂತ್ರಿಕವಾಗಿಯೂ, ಮಾನಸಿಕವಾಗಿಯೂ ಇದರಿಂದ ಕಲಿಯುವುದೂ ಬಹಳಷ್ಟಿದೆ. ಪ್ರಾಕೃತಿಕ ಸವಾಲುಗಳನ್ನು ಧನಾತ್ಮಕವಾಗಿ ಸ್ವೀಕರಿಸಿ ಕೈಗೊಳ್ಳುತ್ತಿರುವ ಅಂತಹ ಕೆಲವು ಕೃಷಿ ಪ್ರಯೋಗಗಳ ಬಗೆಗೊಂದು ಮಾಹಿತಿಭ...
Read more

About me

-
I am Seema. I live in a village called Hosalli in  Sirsi , Karnataka.  Me and my husband Sujay , we both are agri graduates; We own an areca farm, where we work 24×7.  We together run a business firm   Haridrekha LLP,  to provide consultancy services for agriculture and food processing, agri scheme guidelines, and prepare project reports for various businesses. I have a habit of writing, I  write articles  for Kannada audience in few magazines and newspapers now and then. I am also interested in teaching agriculture, I educate children and middle schoolers about farming. For this I have started an agri school called 'Phasalu Paathashale'. I have also written a book 'tota-paatha' which introduces highschoolers to the field of Horticulture. I keep exploring my surroundings, our farm, the jungle, the paddy field, temples, flowers, fruits, insects, handicrafts, almost everything. You can find about this in my  blog  or  instagram  handl...
Read more

ಭಾರತದ ಸ್ವಂತದ ಕ್ರಿಸ್ಪರ್ ಭತ್ತ

-
Image
ಅಂತೂ ಈ ದಿನ ಬಂತು! ನಿಮಗೆಲ್ಲಾ ನೆನಪಿದೆಯೋ ಇಲ್ಲವೋ, ಶ್ರಮಜೀವಿಯ ಇದೇ ವೇದಿಕೆಯಲ್ಲಿ ಕುಲಾಂತರಿಯ ಚರ್ಚೆ ಮುನ್ನೆಲೆಗೆ ಬಂದಾಗ ʼ ಕುಲಾಂತರಿ ಹಳೆಯದು ; ಬಂದಿದೆ ಅದರಪ್ಪ ಕ್ರಿಸ್ಪರ್ ʼ ಎಂಬ ಲೇಖನವೊಂದನ್ನು ನಾನು ಬರೆದಿದ್ದೆ. ಶ್ರಮಜೀವಿ ಸಂಪಾದಕರು ನನ್ನ ಅಂಕಣಕ್ಕೆ ʼಸೀಮಾತೀತʼ ಎಂದು ಹೆಸರಿಟ್ಟು ʼಸಾಮಾನ್ಯ ಕೃಷಿಕರಿಗಲ್ಲಾʼ ಎಂಬ ಟ್ಯಾಗ್‌ಲೈನ್‌ ಕೊಟ್ಟಿಬಿಟ್ಟಿದ್ದಾರೆ. ಆದರೂ ನವೆಂಬರ್‌ 2024ರ ಸಂಚಿಕೆಯಲ್ಲಿ ಪ್ರಕಟವಾದ ಈ ಲೇಖನವನ್ನು ನೀವೇನಾದರೂ ಓದಿ (ಕಷ್ಟಪಟ್ಟು!?) ಅರ್ಥೈಸಿಕೊಳ್ಳುವ ಪ್ರಯತ್ನ ಮಾಡಿದ್ದರೆ ಈಗ ಅದನ್ನು ʼಸೆಲಬ್ರೇಟ್‌ʼ ಮಾಡುವ ದಿನ. ಕ್ರಿಸ್ಪರ್‌ ಬಂದಾಗಿದೆ! ಅಂತರಾಷ್ಟ್ರೀಯ ಮಟ್ಟದಲ್ಲಿ ದೊಡ್ಡಣ್ಣ ಹೆಡ್ಡಣ್ಣರೆಲ್ಲಾ ಮೈ ಮುಟ್ಟಿ ನೋಡಿಕೊಳ್ಳುವಂತ ಸಾಧನೆಯನ್ನು ಭಾರತ ಮಾಡಿ ತೋರಿಸಿದೆ. ಈ ಸಲ ಎಂದಿನಂತೆ ಬಾಹ್ಯಾಕಾಶ, ವೈದ್ಯಕೀಯ, ರಕ್ಷಣಾ ಕ್ಷೇತ್ರದಲ್ಲಲ್ಲ, “ಕೃಷಿ ಕ್ಷೇತ್ರದಲ್ಲಿ” ̤ ಅದೂ ಸದ್ದು ಗದ್ದಲವಿಲ್ಲದೆ ಆಡಂಬರದ ವೈಭವೀಕರಣವಿಲ್ಲದೆ.   ಮೇ ನಾಲ್ಕರಂದು ನವದೆಹಲಿಯ ʼನ್ಯಾಶನಲ್‌ ಅಗ್ರಿಕಲ್ಚರಲ್‌ ಸೈನ್ಸ್‌ ಕಾಂಪ್ಲೆಕ್ಸ್‌ʼನ ʼ ಭಾರತರತ್ನ ಸಿ.ಸುಬ್ರಹ್ಮಣ್ಯಂ ಸಭಾಂಗಣʼದಲ್ಲಿ, ರೈತರು-ಯುವವಿದ್ಯಾರ್ಥಿಗಳು-ವಿಜ್ಞಾನಿಗಳ ಸಮ್ಮುಖದಲ್ಲಿ ಕೃಷಿ ಸಚಿವರಾದ ಶಿವರಾಜ್‌ ಸಿಂಗ್‌ ಚೌಹಾಣ್‌ ʼಡಿ.ಆರ್.ಆರ್‌ ರೈಸ್‌ 100ʼ ಅಥವಾ ʼಕಮಲಾʼ ( DRR Rice 100/Kamla) ಮತ್ತು ʼಪೂಸಾ ಡಿ.ಎಸ್.ಟಿ ರೈಸ್‌ ...
Read more