ಸೀಮಾಲೇಖ

  ಕಾಡು, ಮೇಡು, ಕಡಲು; ಯಾವುದೇ ಪರಿಸರವಿರಲಿ, ಅಲ್ಲಿಯ ಜೈವಿಕ ವಾತಾವರಣವನ್ನು ಸುವ್ಯವಸ್ಥಿತವಾಗಿ ಇರಿಸುವ ಒಂದು ಅನನ್ಯ ಜೀವ ಪ್ರಭೇದವಿರುತ್ತದೆ. ಬಾಗಿದ ಕಲ್ಲಿನ ಕಮಾನನ್ನು ಹಿಡಿದಿಡುವ ʼನೆತ್ತಿಗಲ್ಲಿʼನಂತೆ ಆ ಒಂದು ಪ್ರಭೇದವಿಲ್ಲದಿದ್ದರೆ ಅಲ್ಲಿಯ ಪರಿಸರವೇ ಕುಸಿದು ಬೀಳುತ್ತದೆ. ಇದನ್ನೇ ʼಕೀ ಸ್ಟೋನ್‌ ಪ್ರಭೇದʼ ಎನ್ನಲಾಗುತ್ತದೆ. ಉದಾಹರಣೆಗೆ ಸಸ್ಯಾಹಾರಿಗಳ ಸಂಖ್ಯೆಯನ್ನು ಹದ್ದುಬಸ್ತಿನಲ್ಲಿಡುವ ಹುಲಿಗಳು, ಸಮುದ್ರದ ಜೀವರಾಶಿಯನ್ನ ಸಮತೂಗಿಸುವ ಶಾರ್ಕ್‌ಗಳು, ಕರಾವಳಿಯನ್ನು ಕಾಪಾಡುವ ಮ್ಯಾಂಗ್ರೋವ್‌ಗಳು ಇತ್ಯಾದಿ. ಸಸ್ಯಗಳಲ್ಲಿ ಪ್ರಮುಖವಾದದ್ದು ʼಫೈಕಸ್‌ʼ; ನಮ್ಮ ಸುತ್ತಲೂ ಸದ್ದಿಲ್ಲದೆ ಜೀವವೈವಿಧ್ಯತೆ ಸಲಹುತ್ತಿರುವ ಅತ್ತಿ, ಆಲ, ಅರಳಿ‌‌, ಗೋಳಿ, ಬಸರಿ ಮುಂತಾದವು. ಬೃಹದಾಕಾರವಾಗಿ ಹರಡಿಕೊಂಡಿರುವ ಫೈಕಸ್‌ ಪ್ರಭೇದದ ಒಂದು ಮರವಿದ್ದರೆ ಸುತ್ತಲ ಹತ್ತು ಮೈಲಿನ ಜೀವರಾಶಿ ಸಮೃದ್ಧವಾದಂತೆ. ಅಧ್ಯಯನವೊಂದರ ಪ್ರಕಾರ ಒಂದು ಫೈಕಸ್‌ ಮರ 1200 ಜಾತಿಯ ಜೀವಿಗಳಿಗೆ ಆವಾಸಸ್ಥಾನವಾಗಬಲ್ಲದಂತೆ, ಆಹಾರ ಮೂಲವಾಗಬಲ್ಲದಂತೆ. ನಮ್ಮ ಸೌಭಾಗ್ಯ ಈ ಎಲ್ಲಾ ಫೈಕಸ್‌ಗಳನ್ನು ಬೋನ್ಸಾಯ್‌ಗಳಾಗಿ ಬೆಳೆಸಬಹುದಾಗಿದೆ. ಇವುಗಳ ಜೊತೆಗೆ ಕೆಲ ಫೈಕಸ್‌ಗಳನ್ನು ಒಳಾಂಗಣ ವಿನ್ಯಾಸಕ್ಕಾಗಿ ಬಳಸುವದಿದೆ. ಐಷಾರಾಮಿ ಹೊಟೇಲ್, ರೆಸ್ಟೋರೆಂಟ್‌, ಕಛೇರಿಗಳಲ್ಲಿ, ವಿಮಾನ ನಿಲ್ದಾಣಗಳಲ್ಲಿ ಹಸುರು ಸೂಸುವ ಅಂತಹ ಅಲಂಕಾರಿಕ ಫೈಕಸ್‌ಗಳ ಪಟ್ಟಿ ಹೀಗಿದೆ. ʼಫೈಕ...

ಹುಟ್ಟದ ಬೀಜದ ಬೆನ್ನು ಹತ್ತಿ ಆಗಷ್ಟೇ ಪಿ.ಯು.ಸಿ ಮುಗಿಸಿ ತೋಟಗಾರಿಕೆ ಪದವಿಗೆ ಪ್ರವೇಶ ಪಡೆದಿದ್ದೆ. ಮದುವೆ ಮುಂಜಿಗೆ ಹೋದಾಗ “ಎಂತಾ ಕಲಿತ್ಯೇ ತಂಗಿ?” ಎಂದು ಕೇಳಿದ ನೆಂಟರಿಷ್ಟರಿಗೆ ಹೆಮ್ಮೆಯಿಂದ ʼತೋಟಗಾರಿಕೆʼ ಎನ್ನುತ್ತಿದ್ದೆ. ಬರೀ ಇಂಜಿನಿಯರಿಂಗು ಡಾಕ್ಟರು ಕಲಿಯುವುದರ ಬಗ್ಗೆ ಕೇಳಿದ ಎಲ್ಲರಿಗೂ ʼತೋಟಗಾರಿಕೆʼ ಹೊಸ ಶಬ್ಧವಾಗಿ ಕೇಳ್ತಿತ್ತು ಅಂತಾ ಕಾಣ್ತದೆ, “ಅದ್ರಲ್‌ ಎಂತಾ ಕಲಸ್ತ್ವೇ?” ಎನ್ನುವುದು ಮುಂದಿನ ಪ್ರಶ್ನೆ. ನನಗೂ ಅಷ್ಟಾಗಿ ಪರಿಚಯವಾಗಿರದ ಕೋರ್ಸ್‌ನ ಬಗ್ಗೆ ಹಣ್ಣು ಹೂವು ತರಕಾರಿ ಬ್ಬೆ ಬ್ಬೆ ಬ್ಬೆ ಎನ್ನುತ್ತಿದ್ದೆ. ಆಗವರು ಏನೋ ತಿಳಿದವರಂತೆ “ಓಹ್‌, ಬೀಜದಿಂದ ಗಿಡ ಮಾಡುದು, ಕಸಿ ಕಟ್ಟುದು ಕಲಸ್ತ್ವನ ಅಲ್ದಾ, ಎಷ್ಟ್‌ ಸಲ ಹಾಕಿದ್ರೂ ಬೀಜ ಹುಟ್ಟತೇ ಇಲ್ಯೇ, ನಮ್ಮನೆ ದಾಸವಾಳ ಹೂ ಬಿಡತೇ ಇಲ್ಯೇ, ಎಂತಾ ಮಾಡವನ” ಎಂದು ಕೊಂಯ್ಯ್‌ ಕೊಂಯ್ಯ್‌ ಗುಡುತ್ತಿದ್ದರು. ಈಗೂ ಅಷ್ಟೇ, ಎಲ್ಲೇ ಹೋದರೂ ಹೆಂಗಸರು ನನ್ನ ಕೇಳುವ ಮೊದಲ ಪ್ರಶ್ನೆ ಬೀಜ, ಹೂಗಿಡದ ಬಗ್ಗೆಯೇ. ಆಸಕ್ತಿಯಿಂದ ಬೀಜ ಬಿತ್ತಿ ಮೊಳಕೆ ಒಡೆಯುತ್ತವೆ ಎಂದು ತಿಂಗಳು ಪೂರ್ತಿ ಕಾದು ಕಾದು ಬೇಸರಗೊಂಡ ಅನುಭವ ನಮ್ಮೆಲ್ಲರದೂ ಆಗಿದೆ. ಇದೇ ವಿಷಯವನ್ನು ಗಮನದಲ್ಲಿರಿಸಿ ನಮ್ಮೂರ ಹೆಂಗಸರಾದಿಯಾಗಿ ಎಲ್ಲ ಕೈತೋಟ ಪ್ರಿಯರಿಗಾಗಿ ಈ ಲೇಖನ. ಹುಟ್ಟದ ಬೀಜದ ಹಿಂದಿನ ಕಾರಣಗಳು: ಸಮೃದ್ಧ ಕೈತೋಟವೊಂದರ ಯಶಸ್ಸು ಅಡಗಿರುವುದು ಬೀಜದಲ್ಲಿ. ನೀರು ಹಾಕಿ, ಗೊಬ್ಬರ ಕೊಟ್ಟು...